Një 34-vjeçare italiane, e cila punonte si infermiere në njësinë e kujdesit intensiv të Spitalit “San Gerardo” të Monza është vetëvrarë ditën e sotme pasi nuk arriti të menaxhonte stresin nga koronavirusi.
Sipas agjencisë së lajmeve ANSA, infermierja kishte rezultuar pozitive me koronavirus, ndërsa ishte pushtuar nga stresi dhe frika se mos kishte infektuar edhe të tjerët,
Lajmin e ka konfirmuar edhe federata kombëtare e reparteve të infermierëve në Itali.
Italia është një nga vendet më të goditura nga koronavirusi duke ia kaluar edhe Kinës, ku vetëm gjatë 24 orëve të fundit janë regjistruar 601 viktima, ndërsa numri i përgjithshëm i viktimave ka arritur në 6,077.
