Zëvendësshefi misioni në ambasadën britanike në Hungari, 37 vjeçari Steven Dick, ka ndërruar jetë si pasojë e koronavirusit.
Ministri i Jashtëm britanik Dominic Raab tha se: “Jam i trishtuar nga lajmi i vdekjes së Steven dhe mendimet e mia shkojnë për prindërit e tij Steven e Carol. Steven ishte një diplomat i dedikuar dhe ka përfaqësuar vendin e tij me aftësi të mëdha e pasion”.
Deri tani dhjetë njerëz kanë vdekur në Hungari pasi janë prekur nga koronavirusi vrasës.
Një gazetar i të përditshmes britanike The Guardian, Shaun Walker, shkroi se Dick e kishte njoftuar javën e kaluar se ishte diagnostikuar me Covid-19 por tha se ndjehej “shumë mirë”.
