“Shpejt në Shqipëri do ketë dhjetëra mijëra tamponë që mund të përdoren për testimin në masë,” deklaroi sonte presidenti, Ilir Meta.
I ftuar sot në emisionin “Real Story”, Meta tha se do të testohen të gjithë ata që kanë pasur kontakt me të infektuarit me koronavirusin ose kanë simptoma të dyshuara.
Presidenti deklaroi situate me COVID-19 mund të menaxhohet.
Meta u shpreh se gjëja më të rëndësishme tani për tani është mbrojtja e mjekëve dhe personelit që është në vijën e parë.
“Më e rëndësishmja dhe sfida që kemi tani është të mbrojmë mjekët dhe personelin shëndetësor, që janë në vijën e parë të kësaj beteje. Ne jemi në një situatë shumë më të favorshme në aspektin e menaxhimit. Sot morëm sigurimet se masat për mbrojtjen e personelit të vijës së parë janë marrë dhe po mbërrijnë të gjitha.
Shqipëria do ti ketë të gjithë mundësitë e tamponimit. Por dy gjërat më të rëndëshime tani janë: Mbrojtja e mjekëve dhe personelit që është në vijën e parë Testimi i të gjithë personave që japin simptoma apo që kanë qenë në kontakte me personat që kanë rezultuar pozitivë. Tamponet ekziztojnë dhe janë marrë masat për të pasur dhjetëra, mijëra tamponë në një të ardhme të afërt”, u shpreh Meta.
