Një studente amerikane e quajtur Julia Buskale e cila është infektuar me koronavirus, ka treguar përvojën e saj të tmerrshme, ku humbi përkohësisht nuhatjen dhe dëgjimin. Madje, ajo tregon se nuk arrinte të dallonte shijen e ushqimit.
Studentja rrëfen se në muajin janar ishte zhvendosur në Firence të Italisë, ndërsa u rikthye në fillim të shkurtit në SHBA ku edhe kreu testin i cili rezultoi pozitiv.
Studentja amerikane thotë se fund të janarit ishte ndjerë keq, ndërsa po qëndronte në Itali. Kishte dhimbje të mëdha në kokë, fyt dhe kishte ethe.
Ajo kishte marrë ilaçe kundër dhimbjeve dhe deri vonë nuk është ngritur nga shtrati. Mjekët i thanë se kishte vetëm ftohje. Ndërsa me kalimin e kohës ajo po humbiste edhe dëgjimin, shijen dhe nuhatjen.
Julia u rikthye në SHBA më 2 shkurt ku kaloi tetë ditë në vetizolim dhe nuk pati asnjë nga simptomat e lartpërmendura. Por më 12 shkurt ajo rezultoi sërish pozitive me koronavirus.
