Një 84-vjeçar , i cili u burgos për sulme seksuale ndaj vajzave të reja në vitet 1970, vdiq në spital ditën e dielë.
Edwin Hillier u dërgua në spital me simptoma koronavirusi dhe mendohet që kjo të ketë shkaktuar vdekjen e tij.
Një burim për ‘The Sun’ tha: Problemi është se nuk dihet ku mund ta ketë marrë ai virusin dhe me kë ka qenë në kontakt më pas.
Hillier, nga Hertfordshire, po vuante një dënim prej 8 vitesh e gjysmë për abuzim ndaj disa vajzave në vitet 1970.\
Ai ishte kujdestar i një shkolle në Hemel Hempstead dhe u deklarua fajtor për përpjekje për përdhunim dhe sulm ndaj një vajze e cila ishte midis moshës 10 dhe 15 vjeç, si dhe për sulmin ndaj një tjetre midis moshës 7 dhe 14 vjeç.
Edmund Vickers, duke u mbrojtur, i tha gjyqtarit: Ai do t’i kërkojë falje dy vajzave për sjelljen e tij të tmerrshme të bërë vite më parë.
Në fillim të kësaj jave u njoftua se burgjet në të gjithë Anglinë dhe Uellsin do të mbyllnin vizitat në përpjekje për të zvogëluar përhapjen e COVID-19.
Një numër i burgjeve kanë konfirmuar tashmë raste të virusit pasi shifrat u rritën në të gjithë Mbretërinë e Bashkuar dhe Boris Johnson urdhëroi britanikët të qëndrojnë brenda./Fjala.al/Burimi:DailyMail
