3.3 milionë njerëz janë vetë deklaruar të papunë, ndërsa Shtetet e Bashkuara mbyllën një pjesë të bizneseve javën e kalur si pasojë e pandemisë së Covid-19.
Sipas departamentit të punës, kërkesat e paraqitura nga qytetarët që kërkojnë përfitime për shkak të papunësisë u rrit nga 281,000 javën e kaluar në 3.28 milion. Kjo është shifra është më e larta e raportuar ndonjëherë, duke mposhtur rekordin e mëparshëm të 695,000 kërkesave të paraqitura më 2 tetor 1982.
Rritja e mprehtë e papunësisë javën e kaluar shënon fundin e një periudhe historike të ‘rritjes së vendeve të punës’ në SH.B.A.
Ekonomistët thanë që ishte ende shumë herët për të vlerësuar thellësinë dhe gjatësinë e ndikimit të pandemisë në tregun e vendeve të punës. Presidenti i Bankës Federale të Rezervës së St Louis, James Bullard ka thënë se pret që papunësia të arrijë 30% në tremujorin e dytë, ndërsa Morgan Stanley ka vlerësuar se papunësia do të ishte mesatarisht 12.8% për atë periudhë.
“Do të ketë shumë vështirësi për shumë njerëz,” tha Gus Faucher, ekonomist kryesor i Grupit të Shërbimeve Financiare PNC. Por ai pret që të shohim një “rritje më të madhe” deri në verë nëse virusi do të zgjasë deri atëherë.
Ky rekord i pupunësisë erdhi pasi qeveria Trump deklaroi se do të mbështes popullin me një paketë stimulimi prej 2 trilion $, stimulimi më i madh ekonomik në historinë e Shteteve të Bashkuara, si përgjigje ndaj ndikimit ekonomik të koronavirusit, Covid-19.
Sipas Universitetit Johns Hopkins deri më tani në Shtetet e Bashkuara ka 55.233 raste të konfirmuara me Covid-19 dhe 802 vdekje të raportuara, nga 302 fundjavën e kaluar.”/ The Guardian
