Ministria e Shëndetësisë gjatë komunikatës për gjendjen e koroanvirusit në Shqipëri, njofoti se në Spitalin Infektiv aktualisht janë shtruar 77 persona ku 5 prej tyre janë në terapi intensive.
Drejtoresha e Institutit të Shëndetit Publik, Albana Fico, raportoi se sot janë konfirmuar pozitiv 12 raste të reja, duke e çuar numrin e përgjithshëm në 186.
Harta e të prekurve nga COVID-19 është shtrirë tashmë edhe në Pukë dhe zgjerohet në Tiranë, Korçë, Fier, Shkodër dhe Durrës, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.
Shpërndarja gjeografike e rasteve pozitive, është si vijon:
– Tiranë 107 raste
– Durrës 11 raste
– Lushnje 4 raste
– Elbasan 5 raste
– Rrogozhinë 2 raste
– Fier 20 raste
– Kavajë 4 raste
– Korçë 12 raste
– Vlorë 5 raste
– Shkodër 4 raste
– Lezhë 4 rast
– Berat 1 rast
– Has 2 raste
– Krujë 1 rast
-Tropojë 2 raste
– Pukë 2 raste
