Pas lajmit së mbylljes së shpejtë të kufijve nga Ukraina, për të parandaluar përhapjen e Covid-19, mijëra ukrainas që punojnë në Evropë, rrezikojnë të infektohen duke u grumbulluar në pikat e kalimi kufitar, me synim rikthimin në vendin e tyre.
Rradhë të pafundme, kryesisht me burra, shumica prej të cilëve mbanin maska në fytyrë, ndërsa disa jo, pritën me orë të tëra në pikat kalimit kufitare midis Ukrainës dhe Polonisë të premten, disa orë para se të hynte në fuqi bllokimi.
Agjensia e lajmeve të “RT” kapi disa imazhe në “Lublin Voivodeship”, në anën polake të kufirit në Dorohusk. Skena të ngjashme, u panë në vendkalimet e tjera kufitare, me foto të shpërndara gjerësisht në mediat sociale që shfaqnin turma shumë të ngjeshura – e kundërta e “distancimit social ” që këshillohet në të gjithë botën, si mënyra më e mirë për të ngadalësuar përhapjen e virusit potencialisht vdekjeprurës.
Raportimet nga Korczova, ishin po aq të tmerrshme. Të premten, që nga ora 2 e pasdites me orën lokale, rreth 3.500 njerëz qëndronin në rradhë në këmbë në pikën kufitare. Është e kuptueshme që menaxhimi i të gjithë këtyre njerëz do të kërkojë deri në 15 orë, duke nënkuptuar kështu se disa mund të mbeten të bllokohen atje.
Teka faqja e internetit të ambasadës ukrainase kishte rënë, ishte e dukshme se nuk kishte asnjë zgjidhje për situatën e tyre, njoftoi gazeta polake “Vyborcza”. Sidoqoftë, zyrtarët ukrainas thuhet se u knë kërkuar homologëve të tyre polakë që t’i pranojnë qytetarët e tyre edhe pasi kufiri të mbyllet zyrtarisht, citohet nga gazeta të ketë thënë zëdhënësja rajonale Małgorzata Vaksmundzka-Szarek.
Vendet europiane, kanë mbyllur kufijtë njëri pas tjetrit, ndërkohë që koronavirusi vazhdon të përhapet. Që nga e premtja, Ukraina kishte 226 raste të konfirmuara zyrtarisht, ndërsa Polonia mbi 1.389. Por autoritetet mendojnë se numri aktual i personave të infektuar, mund të jetë shumë më i lartë.
Duke njoftuar mbylljen e kufijve, presidenti ukrainas Volodimir Zelenski falënderoi ata qytetarë që e dëgjuan thirrjen e tij për t’u rikthyer në vend që para 2 javësh, ndërkohë rreth 80.000 njerëz të tjerë janë evakuar nga qeveria me avion, tren dhe autobuz.
“Tani nuk kemi më kohë për të pritur”-shtoi Zelenski, duke thënë se Ukraina ishte “përballë një zgjedhjeje të vështirë midis qytetarëve që janë akoma jashtë vendit, dhe sigurisë së 40 milionë qytetarëve në vend”. Miliona ukrainas kanë emigruar në Poloni dhe më tej në Perëndim për punë, pas grushtit të shtetit të vitit 2014 në Kiev, që e zhyti vendin në kolaps ekonomik dhe luftë civile në lindje.
Zelenski u zgjodh president me një shumicë dërrmuese votash prillin e vitit të kaluar, me premtimin se do ta zgjidhte konfliktin, por nuk ka qenë në gjendje të dalë mbi forcat nacionaliste për ta bërë këtë.
S.T
