Kryeministri Edi Rama ka publikuar sot kurbën botërore të përhapjes së koronavirusit për çdo vend pas 20 rasteve të para.
Përmes një postimi në “Facebook” Rama thekson se Shqipëria është ndryshe nga vendet e tjera, pasi virusi ka përhapje të ngadaltë. Megjithatë në këtë pikë ka vetëm dy rrugë sipas kryeministrit, ose të vazhdojmë me ngjitjen e butë të kurbës që të shpëtojmë Shqipërinë nga katastrofa ose do lëshohemi në krahët e frikës se do vdesim për bukë dhe më pas të numërojmë qindra e mijëra të vdekur.
Postimi i Edi Ramës:
? KURBA E RRITJES SË PRESIONIT TË ARMIKUT E MATUR PËR ÇDO VEND PAS 20 RASTEVE TË PARA, ku mund të shihni rezultatin e masave shtrënguese dhe rezistencës fantastike të 99% të shqiptarëve deri tani?
*tani si do vazhdojmë, me ngjitje të butë që të shpëtojmë Shqipërinë nga katastrofa, duke bërë Rezistencë për Ekzistencë apo do lëshohemi në krahët e frikës se “do vdesim për bukë”, që pastaj kjo shigjeta e kuqe të iki lart si raketë dhe ne të biem në këmbët e armikut duke numëruar qindra e mijëra të vdekur(?)!/Fjala.al/
