Borusia e Dortmundit ka rifilluar stërvitjen duke thyer rregullin e karantinës. Ka qenë lojtari i verdhezinjve Emre Can që e pranoi këtë fakt në një intervistë për “Sport1”.
“Është shumë e rëndësishme të rikthehemi në fushë”, theksoi mesfushori gjerman duke shpjeguar se nuk bëhet fjalë për një stërvitje në grup por dy e nga dy, në mënyrë që të minimizojnë mundësinë për tu infektuar nga koronavirus.
36 klubet profesioniste e kanë të ndalur të dalin në stërvitje deri më 6 prill, kur edhe vetë Bundesliga ka ndërprerë çdo aktivitet futbollistik deri më 30 prill
Megjithatë, Borusia e Dortmundit duket se nuk e ka respektuar këtë vendim. Ata kanë dalë në stërvitje për të qenë në formë nëse kampionati do të rifillojë sërish dhe për të rivalizuar kundërshtarët e përjeshtëm, Bajernin e Munihut.
