Nga Nikoleta Kovaçi
Ka lënë qelinë më i vjetri i grupit ta Hajrajve që u arrestua në akuza të shumta dhe të rënda që lidhen me zhdukjen e Dodë Prengës. Edhe pse Apeli ua refuzoi lirinë atij dhe katër të rinjve që ishin pjesë e masakrës më të madhe të ndodhur në dekadën e fundit në vendin tonë, tashmë bëhet me dije se ai e ka lënë qelinë për shkak se ka qenë i sëmurë.
Ende nuk dihet se përse u la për tani lirii, pasi Bajri ishte i sëmurë edhe më parë kur u arretsua dhe të dy gjykatat e lanë në qeli. Ai ka qenë me një veshkë dhe tashmë është lënë i lirë. Ai ishte nën akuzë bashkë me të birin Lonardin ndërkohë që sipas policisë dhe prokurorisë ata janë thuajse pesonat më të rëndësishëm në rrëmbimin, vrasjen dhe zhdukjen e trupit të pukjanit. Ende asnjë e dhënë nuk ka vijuar të dalë nga hetimet për shkak të pandemisë derisa ditën e sotme u la i lirë 64-vjaçari.
Gjykata Penale më 31 janar i la në burg të gjithë të arrestuarit, Leonard Hajri 36 vjeç, (i dënuar më parë) babai i tij Bajram Hajri 64 vjeç, kushëriri i tij Elton Hajri 32 vjeç, një tjetër anëtar i familjes, Festim Bexhdili dhe shoku i tyre i ngushtë Olsi Turja 36 vjeç, të gjithë banues në Shijak. Para trupës gjykuese, të gjithë akuzuarit e kanë mohuar krimin.
Prenga u mor peng më 17 janar në Kamëz dhe autorët e rrëmbimit janë familja Hajri në Shijak dhe grupi i Dukagjinit në Shkodër. Në krye të dy grupeve dyshohet se është Gramoz Rexhepi i cili ka qenë porositësi i rrëmbimit për një sasi prej 260 kilogram kokainë që u vodh nga Astrit Prenga, Gëzim Shullani, Xhuliano nga Shkodra dhe një rumun në portin e Smuthit në Angli. Droga doli nga porti, dhe u nda mes të katërtve dhe pas disa ditësh grupet nisën të kërkonin kokainën.
