Kryeministri Edi Rama i ka bërë thirrje Presidentit të Serbisë, Aleksandër Vuçiç, që të heq traun që pengon kalimin e kamionëve me mallra nga Kosova që të kalojnë në shtetin e këtij të fundit.
Përmes reagimeve në “Twitter” Rama thekson se kamionët me mallra nga Kosova kanë 24 orë të bllokuar në kufirin e Serbisë, si dhe thekson se lufta ndaj koronavirusit duhet fituar së bashku dhe jo me ndalesa.
“Prej 24h kamionët me mallra nga Kosova janë bllokuar në kufirin e Serbisë! #LinjaeGjelbërt në rajon s’mund t’i nënshtrohet rregullave të çdo vendi, po veç një rregulli të thjeshtë: Këtë luftë që duhet ta fitojmë së bashku duke ndihmuar njëri-tjetrin jo armikun e pakufi!” shkkruan kreu i qeverisë shqiptare.
Më tej ai i kërkon me këmbëngulje Vuçiç që të ngrejë traun dhe që të gjithë sëbashku ta bëjnë rajonin shembull.
“Vetëm përmes solidaritetit pa kufi e kompasionit si njerëz të sulmuar nga një armik i egër, ne mund e duhet të fitojmë! Ju lutem z.President ngrijeni traun për kamionët e le ta bëjmë rajonin tonë shembullin rrezatues të #Solidaritetit kaq të nevojshëm për ta fituar luftën.”-shprehet Edi Rama./Fjala.al./
