Kryetari i Partisë Demokratike, Lulzim Basha ka kërkuar që qeveria e kryeministrit Rama të marrë shembull nga Kosova, Maqedonia e Veriut, për t’u ardhur në ndihmë qytetarëve të saj në këtë kohë të vështirë të krijuar nga koronavirusi.
Përmes një konferencë virtuale me gazetarët, kryedemokrati tha se qeveria ka buxhet për të përballuar këtë krizë. Ndërsa kërkoi sërish që të anulohen kontratat koncensionare apo dhe rialokimet për shpenzime operative apo dhe ato të luksit.
Basha u pyet në lidhje me faktin nëse do të ulej në një tryezë me Ramën për të diktuar mbi mënyrën e daljes nga kjo krizë, Basha u shpreh se “Në këto kushte nga opozita ka pasur bashkëpunimin. Të propozosh zgjidhje, është detyra jonë dhe bashkëpunimi luajal që opozita mund të bëjë për hir të interesit të qytetarëve.”
Rasti i Kosovës dhe Maqedonisë së Veriut ndaj Covid-19
Basha: S’ka nevojë që të merreni me modelet e vendeve që kanë fuqi të tjera. Le të rrimë tek Kosova, Maqedonia e veriut,. Për të parë se si zgjidhen problemet dhe dëshira për të ndihmuar njerëzit. Ne kemi propozuar një paket ë të plotë, që ka të bëjë me aspektin e masave në shëndetësi, detyrimet e shtetit që burojnë nga shpallja e gjendjes së jashtëzakonshme. Efektet e shtresave në nevojë dhe se si mund të garantojmë mirëfunksionimin e institucioneve në këto kohë krize. Përgjigja për pyetjen se ku ti gjej paratë është e qartë; anulo kontratat koncensionare 120 mln euro . Rialoko 140 mln euro, nga shpenzimet operative, luksi, që s’janë domosdoshmëri në kohë krize. Kjo do të administronte një situatë 2-3 mujore krize. Buxheti k a dhe rezerva të tjera për të përballuar krizën. Mos të shohim Amerikën, por Kosovën. Në këto kushte nga opozita ka pasur bashkëpunimin. Të propozosh zgjidhje, është detyra jonë dhe bashkëpunimi luajal që opozita mund të bëjë për hir të interesit të qytetarëve.
