Ka një rënie të madhe në numrin e vendeve të punës në Mbretëri të Bashkuar, që kur shpërtheu pandemia Covid-19. Megjithatë, katër sektorë janë ende duke punësuar punonjës.
Sipas një studimi, numri i vendeve të punës që reklamohen ka rënë me më shumë se një të pestën në gjashtë javët e fundit. Ajo që e ka pësuar më së shumti është industria e mikpritjes, duke humbur 40% të vendeve të lira të shpallura. Ndërkohë që, vendet e lira të punës për pastruesit, mësuesit dhe shkencëtarët janë rritur, sipas hulumtimeve nga faqja e punës Adzuna.
Numri i punëve mësimore u rrit, pavarësisht se shkollat u mbyllën, falë njerëzve të shumtë në numër që kërkojnë mësues online për fëmijët e tyre të izoluar në shtëpi. Numri i punëve të kontabilitetit gjithashtu është në rritje, por vetëm me një pjesë të përqindjes.
“Papunësia ka të ngjarë të dyfishohet në prill dhe numri i vendeve të lira dhe të reklamuara të zvogëlohet. Ne presim që punëkërkuesit e vitit 2020 të përjetojnë një nga tregjet më të vështira dhe konkurruese të punës”-u shpreh bashkëthemeluesi i Adzuna, Andrew Hunter. “Rruga drejt rikuperimit ekonomik do të jetë e ngadaltë dhe e ashpër”-vijoi ai.
Sektori i mikpritjes ka pësuar ndërprerjen më të thellë në dy javët e fundit, pasi ka provuar mbylljen mbarëkombëtare të bareve, restoranteve, pub-eve. Si dhe në sektorë të veçantë, numri i vendeve të punës për të diplomuarit ka rënë me 13%, ndërsa ka pasur gjithashtu një rënie të praktikave.
Sektorët që shohin rritje në numrin e vendeve të punës:
Punë Shtëpie 13.30%
Punë Mësimore 4.20%
Punë Shkencore dhe QA 1.40%
Punë të Kontabilitetit dhe Financave 0.30%
Sektorët që shohin rënie në numrin e vendeve të punës:
Punë Mikpritjeje dhe Hotelieri -39.50%
Energjia -20.10%
Punë Bamirësie dhe Vullnetare -19.50%
Punë Shitjesh -15.30%
Punë për Shërbimet e Konsumatorëve -14.70%
Punë Udhëtimesh -14.20%
Punë për të porsa diplomuar -12.70%
Punë në Prodhim -12.40%
Punë për Konsulencë -11.80%
Punë me Pakicë -11.30%
Punë Kreative & Dizajn -11.00%
Punë në Administratë -10.80%
Punë për Mirëmbajtje -10.20%
Punë Rekrutimi -10.10%
Punë Inxhinierike -8.80%
Punë Sociale -5.60%
Punë Ligjore -4.70%
IT -2.50%
PR -1.50%
Punë Logjistike-1.30%
Punë për Tregti dhe Ndërtim -1.00%
Punë të Shëndetit dhe Infermierisë -0.90%
Fjala.al
