Qëndron Kastrati, Kryetari i Komunës së Kamenicës ka njoftuar se fshati Topanicë është shpallur zonë karantine nga Ministria e Brendshme në Kosovë.
Vendimi është marrë pasi një banor i këtij vendi dyshohet se ka pasur kontakt të drejtpërdrejtë me banorët tjerë.
“Për luftimin e kësaj pandemie nuk mjafton vetëm karantinimi i një zone të caktuar, por këtë duhet ta bëjmë të gjithë. Të rrimë në shtëpitë tona në secilën pjesë të komunës”, ka thënë mes tjerash Kastrati në një postim në rrjetin social, Facebook.
Në Kosovë janë aktualisht 106 persona të infektuar me Covid-19.
Qeveria e Kosovës me qëllim parandalimin e përhapjes së virusit, ka shpallur dhe gjendjen emergjente për shëndetin publik.
