Parlamenti hungarez votoi për t’i dhënë fuqi të plotë kryeministrit Viktor Orban për të luftuar koronavirusin.
Në kuadër të ligjit, Orban, pa limit kohor, mund të qeverisë mbi bazën e dekreteve, të mbyllë Parlamentin, të ndryshojë ose të heqë ligje ekzistuese dhe ka të drejtën të bllokojë zgjedhjet. I takon atij të vendosë kur të mbarojë gjendja e emergjencës.
Sipas këtij vendimi, kush përhap lajme false rrezikon 1-5 vjet burg.
Opozita insistoi për një limit kohor prej 90 ditësh, duke garantuar në këtë drejtim dhe mbështetjen e tyre, por Orban refuzoi.
“Sot, nis diktatura pa doreza e Orban”. Kështu deklaroi lideri i socialistëve hungarezë, Bertalan Toth, duke komentuar ligjin e miratuar në Parlament, që i jep pa asnjë limit kohor fuqi të plotë kryeministrit Viktor Orban për të luftuar koronavirusin.
Në Hungari, deri tani janë certifikuar 447 të prekur nga koronavirusi, ndërsa numri i viktimave deri tani është 15.
Sipas medies, të dhënat reale mund të jenë më të larta. Shërbimi shëndetësor kryen pak tamponë. Nga fillimi i epidemisë janë bërë rreth 13 mijë. Në spitale mungon gjithçka, doreza dhe maska mbrojtëse dhe ka vetëm 2560 aparate frymëmarrjeje, në të gjithë vendin.
