Në Spanjë ditën e sotme është shënuar numri më i lartë i vdekjeve dhe infektimeve nga koronavirusi. Brenda 24 orëve kanë humbur jetën 849 njerëz dhe 9,222 të tjerë janë infektuar.
Sot është dita më e keqe për Spanjën, ku shpërthimi i koronavirusit është përhapur masivisht, duke e bërë Spanjën vendin e dytë në botë më të prekur nga COVID-19, ku numri total i viktimave ka shkuar në 8,189.
Numri i personave të infektuar është rritur nga 85.195 në 94.417 së fundmi, një rritje prej 10.8 përqind e cila i jep fund shpresës së disa ditëve kur u pa një rënie e rasteve të infeksionit.
Në 9.222 raste të reja përfshihen 3.419 në Madrid, që përbën gati gjysmën e vdekjeve totale, kanë deklaruar burimet zyrtare në vend.
Ndërkohë aktiviteti ekonomik ka ndaluar për një periudhë dy javore dhe qeveria ka marrë masa të rrepta.
