Në kohën kur koronavirusi ka ‘pushtuar’ çdo vend, duket se Kosovën kjo nuk e shqetëson aspak. Njerëzit akoma vazhdojnë të mblidhen në grupe të mëdha sikur mos të jetë duke ndodhur asgjë.
Së fundmi 3 serbë të Kosovës janë infektuar nga koronavirusi, dy në veri të vendit dhe 1 në komunën e Lipjanit, mes tyre është një 43-vjeçar nga Mitrovica.
Por autoritete janë frikësuar se infektimi i këtyre personave mund të përhapë masivisht koronavirusin, për shkak të injorimit të ndalimit të qëndrimit të njerëzve në grupe të mëdha. Ky lajm është bërë me dije gazeta serbe “Novosti”, ku ka bërë publike deklaratën e Milan Ivanoviçit, një nga përfaqësuesit e spitalit në Mitrovicë.
Ky i fundit është shprehur se dyshohet që ky 43-vjeçar ishte infektuar në një dasmë dy javë më parë, në një restorant në Zveçan.
“Në dasmë kanë qenë më shumë se 300 të ftuar, midis të cilëve edhe një grua nga Kragujevci, që kishte qenë e infektuar. Tani duhet hulumtuar se kush ka qenë në këtë dasmë dhe të testohen të gjitha rastet e dyshimta. Derisa të mos mbërrijnë rezultatet, të gjithë duhet të vihen në vetëizolim.”- ka deklaruar Ivanoviçi
