Në vendin tonë numri i të prekurve nga koronavirusi vijon të rritet duke e çuar numrin e tyre në 259. Ndërsa kanë ndërruar jetë 15 persona deri më tani.
Ministria e Shëndetësisë ka përsëritur apelin e fortë për distancimin social, si e vetmja rrugë për frenimin e përhapjes dhe ndërprerjen e zinxhirit që sëmundjes që merr jetë.
Sipas të dhënave më të fundit të situatës në vend përgjatë 24 orëve, shefja e Epidemiologjisë në ISHP, Silva Bino bëri me dije detaje nga mosha mesatare e të prekurve dhe viktimave.
“Deri në këto momente janë testuar 1823 raste të dyshuara dhe prej tyre janë të konfirmuar pozitivë me COVID-19, 259 raste. Mosha mesatare e rasteve pozitive me COVID-19 është 50 vjeç”- tha Bino.
“Mosha mesatare e personave që kanë ndërruar jetë deri më tani ka qenë 66 vjeç, duke variuar deri në moshën 80 vjeç. Këta kanë pasur sëmundje bashkëshoqëruese që janë bërë shpeshherë edhe një nga shkaqet e vdekjes”- përfundoi Bino./Fjala.al/
