Një refugjate e cila lindi fëmijë së fundmi në një spital në Greqi,ka rezultuar pozitive me Covid-19. Ende nuk dihet se ku u infektua gruaja, në kamp, në spital apo diku tjetër.
gruaja e cila nuk është identifikuar, ka kryer një lindje në një spital në territorin e Greqisë afër një kampi të refugjatëve Ritsona ku edhe kishte jetuar. Në kamp ka një popullsi prej 2,070 banorëve, sipas shifrave të Organizatës Ndërkombëtare për Migrim (IOM).
Bëhet e ditur se zyrtarët shëndetësorë, po hetojnë burimin e infeksionit, pasi është e mundur që gruaja të jetë infektuar dhe gjatë qëndrimit në spital, ndërsa autoritetet e tjera po përpiqen të zbulojnë nëse ka raste të tjera në kamp. Një nga zyrtarët e IOM në Ritsona kishte konfirmuar lajmin, mirëpo, deklaroi se organizata po përpiqet të ruaj vendin nga një shpërthim i mundshëm.
“IOM u ka shpërndarë të gjithë banorëve sapunë, ndërsa hapësirat e punës dhe zonat e zakonshme po dezinfektohen një herë në javë”,thuhet në një deklaratë të tyre.
Mijëra refugjatë në Greqi jetojnë në kampe të pisëta, ndërsa rreziku për një sëmundje të tillë është i lartë. Kayvan Bozorgmehr, një doktor dhe profesor nga Shkolla e Shëndetit Publik në Universitetin Bielefeld në Gjermani, tha se kushtet në kampet e refugjatëve grekë ishin burim i mundshme për përhapjen e virusit./Al Jazeera
