Ministria e Shëndetësisë dhe Mbrojtjes Sociale ka nxjerrë sot urdhërin për shtyrjen e hapjes të të gjitha institucioneve arsimore deri në përfundim të epidemisë së Covid-19.
Në këtë urdhër thuhet se Ministria ndryshon urdhërin e datës 19 mars ku thuhej se institucionet arsimore do të rihapeshin më datë 3 prill, në mbajtjen mbyllur të tyre deri në përfundim të kësaj situate.
Urdhri ka hyrë në fuqi në mënyrë të menjëhershme dhe mban firmën e ministres Ogerta Manastirliu.
Ndërkohë deri në rihapjen e institucioneve arsimore të gjitha orët e mësimit do të zhvillohen on-line siç është bërë deri në këto momente./Fjala.al/
