Këtë të enjte autoritetet italiane kanë raportuar 760 të vdekur gjatë 24 orëve të fundit. Numri i përgjithshëm i vdekjeve në Itali nga Covid-19 ka shkuar në 13.915, duke e renditur të parën në botën .
Ndërsa 4.668 persona janë diagnostikuar me koronavrusin, Covid-19 gjatë 24 orëve të fundit, duke e çuar numrin e përgjithshëm të të infektuarve në vend në 115.242.
Ndërsa ditën e djeshme kryeministri italian, Giuseppe Conte lajmëroi se izolimi do të zgjasë deri më 13 prill.
“Me trishtim të plotë ua them se ne do të vazhdojmë izolimin edhe gjatë festës së Pashkëve”, tha Conte përgjatë një konference të mbajtur. “Ne po vërejmë efekte pozitive nga masat e kufizimit”.
