Mjeku Pëllumb Pipero ka thënë sot se sipas tij në javën e dytë të prillit shifrat e të prekurve nga Covid-19 në vendin tonë do vinë duke u ulur.
Në lidhje me emisionin “Opinion”, Pipero ka thënë se piku i koronavirusit në vendin tonë do jetë kjo javë, ndërsa më pas shifrat do jenë të qëndrueshme.
Kur do jetë kulmi i virusit?
Në këtë javë do arrihet piku, java që vjen besoj do jenë shifra të qëndrueshme, besoj se java e dytë e prillit numrat do vinë duke u ulur. Është e vështirë të bëhen parashikime të sakta, por nisuar nga indikatorët besoj se kështu do jetë.
Pse kemi numrin më të lartë të vdekjeve në rajon?
Numri më i lartë i vdekjeve në rajon është në Itali, por dua të them se jo të gjithë personat që infektohen mund të shpëtohen.
A është i krijuar koronavirusi në laboratore qëllimisht?
Studime për viruse ka në të gjitha laboratoret e botës dhe në fillim dhe unë kam pasur dyshime, por duke e parë sesi transmetohet ky virus nuk besoj se është i krijuar edhe pse gjithmonë do ketë dyshime./Fjala.al/
