Ish-kreu i ALUZINI-it të Durrësit, Flamur Gjuzi është vetëdorëzuar në polici pasi ishte shpallur në kërkim për shpërdorim me detyrën për dëmet e shkaktuara nga tërmeti i 26 Nëntorit.
Gjithashtu, ai akuzohet se ka shpërdoruar detyrën në legalizimin dhe regjistrimin e disa pronave të paluajtshme.
Flamur Gjuzi në bashkëpunim me disa zyrtarë të tjerë dyshohet se u kanë dhënë disa shtetasve, në kundërshtim me ligjin, dokumentet e pronësisë në zonën e bregdetit si dhe në zona të tjera te qytetit të Durrësit.
Gjykata e Durrësit me 28 mars 2018 vendosi ‘detyrim paraqitje’ për Flamur Gjuzin, ndërsa ai vetëdorëzuar ditën e sotme në polici.
Gjuzi vjen nga radhët e LSI-së ku ai ka kandiduar edhe për deputet në zonën e Durrësit, por pa mundur të marrë mandat por u shpërblye me postin e kreut të ALUIZNI-t.
