Mijëra prostitutat të huaja që punojnë në Gjermani janë të pa puna, pasi shtëpitë publike u mbyllën për shkak të shpërthimit të koronavirusit. Tashmë ato e kanë të pamundur të kthehen dhe në shtëpitë e tyre pasi kufinjtë u mbyllën.
Autoritetet në vend, ku prostitucioni ka qenë i ligjshëm për gati dy dekada, kanë mbyllur bordellot muajin e kaluar së bashku me bizneset e tjera jo jetike, si restorantet dhe klubet e natës për të shmangur përhapjen në masë të koronavirusit.
“Koronavirusi ka qenë një fatkeqësi për mua”, tha një prostitutë polake në qytetin perëndimor të Bochum e njohur për klientët e saj me pseudonimin Nicole. “Nuk kam pasur të ardhura që nga mesi i marsit dhe nuk ka vend për të fjetur”, shtoi ajo, duke refuzuar të jepte emrin e saj të vërtetë.
Para bllokimit, ajo i paguante bordellos së saj 90 euro në ditë për një dhomë për të plotësuar kërkesat e klientëve dhe për të jetuar në të. Por që nga ajo kohë ajo qëndroi me menaxherin e bordellos.
Punonjëset e seksit në Gjermani klasifikohen si të vetëpunësuar, paguajnë taksë dhe në teori kanë të drejtë për ndihmë financiare nga një fond i krijuar nga qeveria për të ndihmuar profesionistët e pavarur përmes pandemisë.
“Unë shpresoj se Qendra e Punës do të pranojë deklaratat e mia të taksave që të mund të përfitoj para nga papunësia”, tha Nicole. “Nëse kjo ndodh, unë do të jem në gjendje të transferohem në një apartament”.
Por disa prostituta punojnë në mënyrë të paligjshme dhe organizatat që mbështesin industrinë thonë se shumë njerëz, të tillë, si Nicole, paguajnë taksë, por nuk kanë dijeni për të drejtat e tyre.
“Kërkesa për seks të paguar është ende, pavarësisht rrezikut të infektimit,” tha Heike Koettner, nga bamirësia Madonna për prostitutat në Bochum. “Disa gra po e marrin këtë rrezik.” Burimi: Reuters Përktheu: Fjala.al
