Koronavirusi ka marrë jetën e një tjetër personi në vendin tonë. Një 75-vjeçar që ishte shtruar te Spitali Infektiv pas rezultimit pozitiv me Covid-19 është ndarë nga jeta.
Pacienti me inicialet A.C vuante edhe nga sëmundje të tjera si post-hemoragjia celebrale, diabeti dhe hipertensioni.
Lajmi u bë publik nga Ministria e Shëndetësisë dhe Mbrojtjes Sociale, e cila i ka shprehur ngushëllime familjarëve.
“Ministria e Shëndetësisë dhe Mbrojtjes Sociale i shpreh ngushëllimet familjes së të ndjerit dhe u bën edhe një herë thirrje qytetarëve, që të zbatojnë në mënyrë rigoroze masat e distancimit social dhe të izolimit, të cilat janë të domosdoshme për frenimin e përhapjes së COVID-19.”, thuhet në mesazhin e Ministrisë së Shëndetësisë.
Deri në këto momente numri total i personave që kanë humbur jetën në vendin tonë ka shkuar në 17, ndërsa 304 të tjerë janë prekur nga ky virus./Fjala.al/
