Standard & Poor’s ka paralajmëruar se koronavirusi do të godasë fuqishëm turizmin në disa shtete të botës, duke përfshirë edhe Shqipërinë.
S&P është një agjenci që ofron shërbimin e analizave të thelluara financiare mbi gjendjen, ecurinë dhe prespektivën e një entiteti që mund të jetë kompani private ose shtet sovran. Dhe së fundmi kjo agjenci ka bërë një parashikim ku vlerëson humbje domethënëse në sektorin e turizmit për 15 shtete.
Pothuajse të gjitha rezervimet turistike janë pezulluar për muajt maj dhe qershor, e kjo ka sjellë humbje ekonomike për shumë shtete.
Shqipëria renditet në vend të 13 sa i përket goditjes që parashikohet të marrë, por krahasuar me shtetet e tjera të marra në vlerësim, vendi ynë pritet të jetë më gati sa i përket përballjes dhe rimëkëmbjes së këtij sektori.
Në Ballkan janë Mali i Zi dhe Greqia më të rrezikuarat në kriza e koronavirusit në sektorin e turizmit.
