Virologu gjerman Prof. Hendrik Streeck thekson se Covid-19 nuk përhapet aq lehtë sa e mendojnë njerëzit.
Sipas tij, deri më tani nuk ka asnjë provë që të provojë se ai përhapet apo infekton njerëzit kur ata janë duke bërë pazar apo shkojnë në parakureri.
Studimet për këto raste, virologu gjerman i ka kryer në rajonin më të prekur të Gjermanisë nga koronavirusi.
“Ne nuk gjetëm asnjë virus që të jetonte nëpër sipërfaqe. As nëpër telefona, as nëpër doreza dyersh.”- u shpreh virologu i ftuar në një program televiziv.
Madje, skuadra e tij testoi edhe qimet e një maceje shtëpiake të një familjeje, por nuk gjetën asnjë grimcë të virusit në sipërfaqe.
Ai shtoi se gjetjet e tij të deritanishme, kanë vënë në diskutim edhe masat që po merr bota. Pavarësisht kësaj, ai bie dakord me faktin që ka ende shumë për të zbuluar rreth koronavirusit. Gjatë intervistës ai ndaloi tek rasti i parë i infektuar në vendin më të prekur të Gjermanisë.
“Ajo ishte një grua që vinte nga Kina në Gjermani dhe pas testeve rezultoi se kishte infektuar vetëm kolegët e saj. Ajo tha se kishte qëndruar në një hotel, kishte ngrënë në një restorant, por të infektuar ishin vetëm kolegët. Pra, tani e dimë që të hash në një restorant apo të punosh në një hotel nuk do të thotë të jesh përgjegjës për infektimin. Ne e dimë që ky infeksion nuk transmetohet nga prekja e objekteve. Kërcimet e afërta me njëri-tjetrin apo festat dhe grumbullimet janë burim infektimi”, shpjegoi virologu gjerman.
