Këngëtarja turke, Helin Bolek, anëtarja e një grupi të muzikës popullore, ka ndërruar jetë në ditën e 288 të një greve urie në Turqi.
Bolek kolegët e saj kishin filluar grevën, pasi ishin burgosur sepse kishin protestuar ndaj Qeverisë së Turqisë, thuhet sipas një postimi të grupit në Tëitter, raporton The Guardian.
Grupi i muzikës turke popullore “Yorum”, të njohur për këngët e tyre të protestës, kishin thënë se 28-vjeçarja kishte ndërruar jetë të premten në një shtëpi në Stamboll, aty ku ajo ishte duke e organizuar grevën e urisë.
Grupit të 28-vjeçares në vitin 2016 u është ndaluar të performojnë, si edhe autoritetet kanë burgosur disa prej anëtareve të tyre.
Qeveria turke akuzon Grupin Yorum për lidhje me Partinë e jashtëligjshme DHKP, e shpallur si një organizatë terroriste nga Turqia, Shtetet e Bashkuara dhe Bashkimi Evropian.
Ndërsa një pjesë e anëtarëve të rupit u burgosën, Bolek dhe një tjetër pjesëtar i grupit të tyre, Ibrahim Gokcek, ishin futur në grevë urie për t’i bërë presion Qeverisë që t’i lironin pjesëtarët e tjerë të grupit.
Ata po kërkonin që Grupi Yorum të lejohej të rifillonte koncertet, që anëtarët e grupit të burgosur të lirohen dhe që paditë kundër këtij grupi të rrëzohen./Fjala.al/
