Antonio Guterres, Sekretari i përgjithshëm i Kombeve të Bashkuara, u bëri thirrje qeverive që të marrin masa kundër rritjes së tmerrshme globale të dhunës në familje.
Si pasojë e izolimit nga koronavirusi, shumë shtete kanë raportuar rritje të dhunës në familje.
Duke iu referuar thirrjes së tij të fundit për armëpushim në konflikte, Guterres tha se dhuna nuk ndodh gjithmonë në fushat e betejës.
“Për shumë gra dhe vajza, kërcënimi është më i madh atje ku duhet të jenë më të sigurta: në shtëpitë e tyre”, tha Guterres.
“Abuzimi është rritur si pasojë e streseve ekonomike dhe sociale që ka sjellë situata e krijuar me koronavirus.
“Së bashku, ne mundemi dhe duhet ta parandalojmë dhunën kudo, nga zonat e luftës deri te shtëpitë e njerëzve”, tha ai.
Covid-19 ka prekur mbi 1.2 milionë njerëz në gjithë botën, ndërsa ka vrarë afro 70,000.
