Kryeministri i Britanisë së Madhe, Boris Johnson është futur në terapi intensive pasi gjendja e tij paraqitet e rënduar.
Ai është vendosur nën kujdesin e mjekëve anglezë të spitalit ‘St Thomas’ Hospital’ të Londrës, ku është shtruar aktualisht, shkruan BBC.
Më herët, gjendja e Boris Johnson paraqitej e mirë, por shëndeti është rënduar gjatë mbrëmjes së sotme.
Ai po trajtohej në spital me oksigjen, ndërsa tashmë është futur në terapi intensive.
Kryeministri britanik vazhdon të jetë nën kujdesin e mjekëve, ndërkohë që është konfirmuar prej ditësh i infektuar me koronavirus.
Ai u shtrua dje në spital, 10 ditë pasi ishte konfirmuar me COVID-19. Aktualisht qeveria britanike po drejtohet nga zv/kryeministri Dominic Raab.
