Studiuesit e universitetit të Havardit kanë zbuluar se ajri i ndotur është i lidhur me nivele dukshëm më të larta të vdekjeve te njerëzit e prekur me Covid-19.
Redaktori i “The Guardian”, Damian Carrington shkruan se hulumtimi, i bërë në SH.B.A., llogarit se ajri pak më i pastër në Manhattan në të kaluarën mund të kishte shpëtuar qindra jetë.
Më tej duke pasur parasysh ndryshimet e mëdha në nivelin e pastërtisë së ajrit në të gjithë vendet e botes, analiza sugjeron që njerëzit në zonat e ndotura kanë shumë më shumë gjasa të vdesin nga koronavirusi sesa ata që jetojnë në zona më të pastra.
Këta shkencëtarë e theksuan se është e njohr tashmë që ajri i ndotur rrit rrezikun e sindromës akute të shqetësimeve të frymëmarrjes, e cila është jashtëzakonisht vdekjeprurëse dhe një nga shkaqet e vdekjeve tek personat e prekur me Covid-19./Fjala.al/
