Presidenti i vendit Ilir Meta ishte ditën e sotme në Shkodër, i cili është një nga qytetet e prekura më së shumti përgjatë ditëve të fundit.
Meta iu ka bërë apel edhe qytetarëve që të zbatojnë masat e vendosura nga qeveria për të parandaluar përhapjen e Covid-19.
Kreu i shtetit ka dhënë edhe një intervistë për mediat lokale, ku ka folur edhe në planin personal. Ai foli edhe për bashkëshorten e tij, Monika Kryemadhi për të cilën tha se ndan të njëjtat vlera si ato në Nënë Tereza.
“Unë dhe Kryemadhi kemi Nënë Terezën në sfond, sepse ajo është në zemrën e çdo shqiptari dhe jo vetëm. Ajo është në mendjen dhe zemrën e mbarë njerëzimit. Edhe më pëlqen shumë një shprehje e Nënë Terezës: ‘Të mos e gjykojmë njërit tjetrin pafund, sepse nuk na ngelet kohë për ta dashur njëri-tjetrin’”, u shpreh Meta për TV Star Plus.
