Kryeministri Rama i është kthyer ashpër një komentuesi teksa i shkruante se kreu i qeverisë ‘e ka braktisur popullin’ në këtë kohë të vështirë të koronavirusit.
Rama i është drejtuar komentuesit gjatë komunikimit në Facebook se vendi nuk ka nevojë për qaramanë apo oponentë të tillë në një kohë që po lufton kundër koronavirusit.
Rama: Nuk e di se çfarë lloj mendjesh mund të frymëzohen në këto kushte për të shkruar dhe për t’u ankuar, për t’u qarë dhe për t’u sharë dhe për të mallkuar kur sot na duhet mirëkuptim dhe solidaritet. Ne kemi detyrë, unë kam mision të mbroj jetën tuaj dhe këtë nuk e negocioj me asnjë qaraman dhe me asnjë oponenti apo opozitari që këtu kërkon qiqra në hell. Këtu duhej shmangur helli ku mund të piqej i gjithë populli shqiptar dhe mund të bëheshim gazi i botës dhe turpi i botës nëse nuk do të kishim bërë deri këtu këto gjëra.
