Seria është duke menduar për rikthimin në stërvitje të skuadrave më shpejt seç pritej, ndonëse situata nga koronavirusi vijon të jetë alarmante.
“Corriera dello Sport” raporton se Serie A po planifikon të ndjekë Bundesligën gjermane dhe të rifillojë stërvitjet, fillimisht me distancë sociale dhe gradualisht të kthehet në normale.
Ndërkohë tre datat hipotetike të përmendura për rinisjen e mundshme janë 24 maji, 31 maj ose 7 qershor, me gjashtë javë e gjysmë të përshkruara për të përfunduar 13 ndeshjet e mbetura të edicionit.
Rifillimi në këtë periudhë do të thoshte që Seria A do të përfundonte në fillim ose në mes të korrikut.
“Gazzetta dello Sport” zbulon po ashtu se treshja e Juventusit, Paulo Dybala, Blaise Matuidi dhe Daniele Rugani janë ende në karantinë pasi testuan pozitivisht për koronavirus.
Ndërsa Fiorentina, Sampdoria dhe Hellas Verona kanë raportuar gjithashtu raste të koronavirusit në skuadrat e tyre.
