Koronavirusi ka izoluar prej javësh në shtëpi shqiptarët në kuadër të masave të marra nga qeveria për të parandaluar përhapjen e sëmundjeve.
Vetizolimi ka sjellë edhe rritjen e interesit të shqiptarëve ndaj imagjinatës seksuale. Kështu sipas administratorit, Valer Pinderi të një sex-shop që funksionon online, shitja e lodrave seksuale në vend ka pësuar një rritje të jashtëzakonshme javët e fundit.
Izolimi vetëm apo në çift ka bërë që shqiptarët të rrisin interesin ndaj lodrave seksuale
Sipas Pinderit numri i shitjeve është rritur në mënyrë të pabesueshme. Ndërsa shton se ato që janë më të dhëna pas këtyre lodrave janë kryesisht femrat.
“Shitjet u zeruan në javën e parë të izolimit, por më pas kërkesat për produktet tona u rritën në mënyrë të pabesueshme, duke arritur deri tek dyfishimi i shitjeve krahasuar me periudhën para izolimit. Gratë apo vajzat janë më të interesuara për këto produkte, ndërsa burrat kapin një shifër, diku tek 40%,”– shprehet Pinderi për TVT.
Pinderi tregoi se administron 5 portale shitjesh online dhe ka hapur që nga themelimi edhe 5 të tjera, ndërsa tregoi se produktet e seksit janë idealet për t’u shitur online.
