Britania e Madhe mund të kalojë Italinë sa i përket numrit të vdekjeve nga pandemia e COVID-19. Sipas një studimi të Institute for Health Metrics and Evaluation (IHME) në Universitetin e Mjekësisë në Uashington, pritet një numër i lartë vdekjes në ishull për shkak të masave të izolimit që u morën me vonesë.
151,680 parashikohet të jenë vdekjet në të gjithë kontinentin për shkak të koronavirusit. Më shumë se 5000 persona kanë ndërruar jetë në Britani për shkak të virusit, ndërkohë që parashikimi është që ky numër të rritet në 66 mijë.
Italia parashikohet të arrijë deri 20 mijë vdekje, ndërsa Spanja dhe Franca 19 mijë dhe 15 mijë respektivisht.
Studimi thekson se kulmi i pandemisë në Evropë do të jetë java e tretë e muajit prill dhe më pas situata do të qetësohet.
