Tre raste të reja me koronavirus janë identifikuar në qytetin e Elbasanit, ndërsa u raportua se u shëruan familja e parë e prekur në këtë qytet.
Mësohet se të tre pjesëtarët e familjes së 35-vjeçarit përkatësisht të moshës 31, 57 dhe 59 vjeç, janë shëruar nga Covid-19, por për fat të keq gjatë të enjtes tre persona të tjerë nga Elbasani kanë rezultuar pozitivë.
Ndërsa, pacientët e shëruar që pas ekzaminimeve të radhës rezultuan negativë do të duhet të qëndrojnë për 14 ditë të tjera të vetkarantinuar.
Ndërkohë edhe tre rastet e reja me Covid-19 në këtë qytet raportohet se kanë lidhje me të infektuarit në Restorantin pranë Gjykatës së Elbasanit. Numri total i të prekurve nga virusi i rrezikshëm në këtë qytet tashmë ka shkuar në 15 persona./Fjala.al/
