Këngëtarja Xhensila Myrtezaj, sot festoon ditëlindjen e 27-të. Edhe pse në karantinë bashkëshorti i saj, Bes Kallaku ka gjetur mënyra epike për ta surprizuar.
“Urime ditëlindjen treçereku im më i mirë. Jo ç’do ditë është e bukur, por ç’do ditë ka bukurinë e saj dhe ti je bukuria e ditëve tona. Mami Xhensila Myrtezaj shyqyr që të ka sjell Zoti afër meje që po i shtyn këto ditët e karantinës pa mërzitje. Porosita shumë dhurata për ty po nuk mi sollën dot sepse nuk lejohet të dalësh. Kështu që po ta organizoj në kushte shtëpie. Shikoni videon pas pak”, janë fjalët e tij.
Më pas, Besi shpërndau në instagramin e tij surprizat që kishte përgatitur, ku kishte sajuar si tortë një letër duarsh e dekoruar me një kokërr domate, dorezat plastike si tollumbace dhe një arush i cili kishte rreth dy vite që ndodhej në shtëpi.
“Xhensila Myrtezaj sakrificat që kam bërë për të organizuar ditëlindjen në kushte karantine, nuk i kam bërë as për veten time! Ja çdo të thotë të jesh bio. Urime ditëlindjen”, ka shkruar në tjetrin postim Kallaku.
Por, kjo ishte një shaka e përgatitur nga Besi pasi surprizën e vërtetë e shpërndau këngëtarja në instagramin e saj, ku shihej Xhensila me Ajkën në një dhomë të zbukuruar me tollumbace dhe me numrin 27.
