Obed Duron Gomez, kryetari i qytetit meksikan të Mahahauala është ekzekutuar nga narko-bandat, pasi ka urdhëruar që të bllokohen rrugët, që të dërgojnë për në qytetin e tij. Këtë urdhër e kishte dhënë, që të mund të parandalojë përhapjen e koronavirusit.
Gomez, kreu i Bashkisë së Mahahaualas, u vra duke udhëtuar drejt pjesës jugore të Meksikës, saktësisht në Kintana Ro. Në momentin që u vra, ai ndodhej në një mini bus me pasagjerë, e disa njerëz të armatosur në tjetër makinë hapën zjarr aty për aty, raporton Mirror.
Ai u dërgua me urgjencë në spital, ku i’u nënshtrua dhe ndërhyrjes kirurgjikale, por nuk mundi t’i shpëtonte plagëve të marra.
Agresorët kanë ikur me shpejtësi nga vendi i ngjarjes, kurse hetuesit gjetën në vendin e krimit 20 gëzhoja plumbash.
Kryetari Gomez kishte qenë vazhdimisht nën kërcënimin e bandave kriminale të zonës që merreshin më trafik droge.
