Kryeministri Edi Rama u është përgjigjur kërkesave të biznesit të madh. Kreu i qeverisë deklaroi se biznesi i madh nuk do ndihmohet siç ata kërkojnë pasi jeni me luftë dhe të gjithë do humbasin.
Rama tha se pasanikët e Shqipërisë, kërkojnë të mos paguajnë dritat, dhe sipas tij kjo kërkesë është absurde.
“Këta mendojnë se Covidi është Sudja dhe ka ardhur me çanta me para. Këta pasanikët e Shqipërisë duhet të bëjnë pjesën e tyre, pasi kërkesat e tyre jo vetëm që nuk përmbushen dot, por dhe të pa moralshme. Sjellin kërkesë që të mos paguajnë dritat. Po mirë më fal, po pensionistët nuk kanë ngritur zërin, kur invalidët janë paguesit më të mirët të dritave, kërkojnë këta që të mos paguajnë dritat.
Kjo është luftë, kjo nuk është një kohë që ju të suleni në arkën e shtetit, dhe të dilni nga lufta me fitimin e munguar. Fatura e këtyre është të heqim buxhetin e pensioneve, dhe t’u themi pensionistëve që u mbrojtëm nga koronavirusi dhe tani do rrini pa bukë”, u shpreh Rama i ftuar në emisionin “Open” në Top Channel.
