Një spital i Detroit ka qenë aq i mbingarkuar nga fluksi i pacientëve Covid-19 saqë të paktën 2 njerëz kanë vdekur në korridoret e dhomave të urgjencës para se të mund të vinte ndihma, i thanë CNN ekipi shëndetësor.
CNN foli me pesë punonjës të Spitalit Sinai-Grace, pjesë e sistemit të Qendrës Mjekësore në Detroit, të cilët thanë se anëtarët e stafit mendojnë se nuk kanë mjaftueshëm staf dhe paisje për të përballuar krizën. Shumë nga pacientë në ugjencë besohet se kanë Covid-19 sepse kanë simptoma virale, por rezultatet e testeve të tyre duan ditë të dalin, thanë punonjësit e spitalit.
Kushtet janë aq drastike në Sinai-Grace sa të dielën në mbrëmje, i gjithë stafi i infermierëve të urgjencës nuk pranuan të punojnë dhe kërkuan që të dërgohen më shumë infermierë për të ndihmuar.
Pacientët në Sinai-Grace nuk janë vetëm dy-për-dhomë – ata janë shtrirë edhe në korridoret e urgjencës, thanë punonjësit. Dy punonjës thanë se pacientë me sëmundje kritike, përfshirë pacientë me ventilim, janë mbajtur herë pas here në korridoret.
Të paktën dy pacientë kanë vdekur në shtretërit e sajuar në korridor, tha një mjek i institucionit. Punëtorët e kujdesit shëndetësor në spital, përfshirë mjekun, folën për CNN në mënyrë anonime duke shprehur shqetësim për punët e tyre.
Miçigan është shteti i tretë më i madh amerikan me numrin e lartë të të infektuarve. Më pak se një muaj më parë, ishin 300 prej tyre, dhe tani ka më shumë se 20.000.
Problemi për spitalin Sinai-Grace është fakti që ndodhet pranë disa shtëpive pleqsh që janë infektuar gjithnjë e më shumë dhe po vijnë për ndihmë.
“Ne nuk kemi zgjidhje tjetër. Ne i vendosim pacientët në salla operative, korridore dhe të gjitha hapësirat që mund të përdorim. Ne nuk dimë se çfarë të bëjmë më shumë. Njerëzve po u mbaron energjia”, tha drejtori i spitalit.
“Pacientët që janë në një gjendje shumë të rëndë dhe që kanë simptoma të dukshme të koronavirusit nuk mund të reanimohen, pasi janë në gjendje të dobët dhe rreziku i infeksionit është shumë i madh”, thanë katër anëtarët e stafit që folën në mënyrë anonime për CNN .
“Spitali duket si një zonë lufte. Pacientët janë kudo, gjithashtu pajisje. Ka kaos, mjekë dhe infermierë po vrapojnë përreth. Është e tmerrshme”, tha një punonjës i spitalit./CNN
