Një gjyshe e cila u detyrua të këndonte ‘Gëzuar Ditëlindjen’ vetes gjatë karantinës, ka marrë mijëra urime të tjera pasi momenti ishte shpërndarë në internet.
Norma Gregotio festoi e vetme ditëlindjen e 88-të në shtëpinë e saj në Union Square, New Jersey pa familjen e saj, por u dërgoi atyre një video të saj duke kënduar këngën klasike për t’u treguar atyre se nuk ishte e mërzitur.
Familja e saj i kishte dërguar asaj një tortë të dekoruar me lule, të cilën madje kishin vendosur edhe qirinj që të shprehte një “dëshirë shumë të veçantë”.
Mbesa e saj, Xhesika Kerrigan, 22 vjeçe, postoi momentin prekës në TikTok.
https://www.instagram.com/tv/B-vwvjIJZqq/?utm_source=ig_embed&utm_campaign=loading
Në video, Norma mund të dëgjohet duke thënë: ‘Është ditëlindja ime sot, dhe unë jam krejt vetëm për shkak të koronavirusit. Por shiko çfarë kam këtu. Askush nuk mund të vijë të më shohë, por unë kam ëmbëlsira dhe dhurata për të më kujtuar se është dita ime e veçantë“.
Që nga momenti që videoja u shpërnda, ajo është bërë një sensacion në internet, videoja është parë nëntë milion herë dhe mijëra njerëz kanë dërguar urimet për ditëlindjen e saj.
