Aktori turk i njohur dhe shumëdashur për shqiptarët, Kivaç Tatlitug para një jave u shtrua në spital pasi kishet dyshime se ishte prekur nga koronavirusi. Ai ishte vetëkarantinuar me bashkëshorten në shtëpi, por temperatura dhe kolla e bënë që të drejtohej për në spital.
Kivançit iu bë testi, i cili rezultoi negativ, por mjekët zbuluan se aktori kishte pneumoni në një zonë të mushkërive.
Mediat turke raportojnë se mbrëmë në mesnatë Kivanç ka lënë spitalin dhe është larguar fshehurazi për të mos u fotografuar nga paparacët.
Ndërsa shtojnë se aktori është në gjendje të mirë shëndetësore dhe është rikthyer në shtëpi me bashkëshorten e tij.
