Kanë rezultuar pozitiv me koronavirusin, Covid-19 dy liderët e partive poltike maqedonase, Zoran Zaev dhe Hristijan Miskoski, lajmin e ka konfirmuar ministri i shëndetësisë Venko Filipçe. Bëhet me dije se dy liderat e parive janë infektuar pasi kanë pasur kontakte me një gazetar të infektuar.
Ish kryeministri Zaev ka bërë me dije përmes një postimi në ‘Facebook’, se ka rezultuar pozitiv, por nuk ka simptoma dhe se është karantinuar në shtëpinë e tij në Strumicë. Gjithashtu ai tregoi se pavarësisht se kishte marrë masa mbrojtëse gjatë intervistimit me gazetarin është testuar pozitiv.
“Do të doja të informoj se gjatë javës së kaluar kisha një TV intervistë me gazetarin për të cilin u konfirmua se është pozitiv me Covid 19. Edhe pse gjatë intervistës kemi ndërmarë të gjitha masat mbrojtëse sikur mos pasje kontakte dhe mbajtjen e distancës, në përputhje me të gjitha protokolet, nga sot jam në vetizolim në shtëpinë time në Strumicë. Nuk kam simptoma, sot u testova për praninë e virusit dhe rezultatet i pres gjatë ditës, me çka do të konfirmohen të gjitha hapat e mëtutjeshme”, shkroi Zaev.
