Gazeta amerikane New York Times ka nxjerrë në dritë disa fakte sipas të cilave presidenti amerikan Donald Trump ishte në dijeni të shpërthimit të mundshëm të një pandemie.
Ai ishte paralajmëruar nga këshilltarët dhe ekspertët e Shtëpisë së Bardhë, pjesë e inteligjencës amerikane se një pandemi e rrezikshme ishte në prag.
Paralajmërimet drejtuar presidentit amerikan lidhen me memorandumin e këshilltarit më të lartë të Tregtisë, Peter Navarro.
Në memorandum ai shkruante se pandemia e cila pritej të shpërthente mund të vriste më shumë se 500,000 njerëz në SHBA dhe mund të shkaktonte humbje ekonomike në vlerë prej triliona dollarësh.
Ndërkaq Sekretari i Shëndetit dhe Shërbimeve Njerëzore, Alex M Azar II paralajmëroi të njëjtën gjë më 30 janar.
Nga ana e tij, Donald Trump veproi me shumë ngadalësi, duke mos e vlerësuar shkallën e rrezikut dhe duke bërë që SHBA të jetë një nga vendet me numrin më të lartë të vdekurve nga koronavirusi.
