Sipas një studimi të kryer në Mbretërinë e Bashkuar, 59% e njerëzve të infektuar më koronavirus humbin përkohësisht nuhatjen.
Humbja e papritur e ndjenjës së nuhatjes, e kombinuar me dhimbje koke dhe rraskapitje janë tashmë shenja shumë të forta se mund të jeni i infektuar më COVID-19.
Të dhënat e disponoheshe deri më tani nuk sqarojnë nëse të gjithë ata që preken e rikuperojnë plotësisht ndjenjën e tyre të nuhatjes apo nëse ka raste në të cilat përkeqësimi mund të mbahet në një afat të gjatë.
Të dhënat e para klinike të publikuara për pacientët nga Kina treguan se simptomat më të zakonshme të Covid-19 ishin ethe, lodhje dhe kollë e thatë, por pa përmendur nuhatjen.
Që nga ardhja e epidemisë në Evropë, mjekët kanë paralajmëruar se disa pacientë ankohen për humbjen e erës.
“Kemi raste kur humbja e nuhatjes është simptoma e vetme dhe me të vërtetë duhet të konsiderohet një simptomë alarmi, sepse ata kanë një sasi të madhe virusi në hundët e tyre”, tregon drejtuesja e seksionit otorinolaringologjik të spitalit Vall d’Hebron në Barcelonë, Ana María García Arumí.
Mekanizmi me të cilin koronavirusi pengon erën mund të jetë një inflamacion në zgavrën e hundës që parandalon molekulat aromatike të arrijnë në sensorët qelizorë të nuhatjes, siç zbulohet nga rasti i një pacienti të trajtuar në Spitalin Universitar Lariboisière në Paris.
Burimi: Lavanguardia, Përshtati: Fjala.al
