Prej një muaj thuajse të gjithë shqiptarët janë në karantinë, por ka dhe nga ata që kanë zgjedhur të thyejnë karantinën.
Dy aktorët e njohur dhe shumë të dashur shqiptarë, Robert Ndrenika dhe Arben Derhemi kanë thyer karantinimin.
Mësohet se dy aktorët nuk i kanë rezistuar dot një kafeje në ajrin e pastër të ditës së sotme.
Fotoja është publikuar nga vetë Derhemi, i cili shihet krah Ndrenikës, të ulur në një nga kafet e kryeqytetit, me sfond të gjelbër.
Mbi tavolinën e aktorëve shihet edhe kafeja që po konsumojnë, ‘shkaku’ që i ka bërë të thyejnë dhe karantinën.
“I thashë do më dënojnë mua. E njoh unë atë që jep urdhra tha,”- shkruan Arben Derhemi me humor krah fotos.
