Një pacient i prekur nga koronavirusi ka pështyrë dhe ka sulmuar një infermiere në korridoret e një spitali në Shtetet e Bashkuara të Amerikës.
Infermierja ndodhej në katin e tretë të spitalit, ku është sulmuar edhe nga pacienti.
Infermierja tha se ajo po shpjegonte procedurat për trajtimin e tij dhe më pas është sulmuar menjëherë. Pacienti ishte acaruar me stafin dhe kërkoi të dilte nga dhoma.
Infermierja e këshilloi që nuk mund ta bënte një gjë të tillë, por ai u acarua më shumë duke e sulmuar në korridor.
“Ky akt i tmerrshëm tregon rreziqet me të cilat hasen mjekët gjatë punës së tyre në luftën ndaj koronavirusit. Mjekët punojnë nën një stres të madh, dhe pavarësisht se rrezikojnë sigurinë e tyre personale. Ata vijnë çdo ditë në punë në përpjekje për të shpëtuar pacientët. Prandaj, është absolutisht e papranueshme që një pacient ta sulmojë ata, jo vetëm fizikisht, por edhe psikologjikisht dhe emocionalisht. Njerëz që kryejnë vepra të tilla penale do të procedohen dhe ndiqen penalisht sipas ligjit”, thuhet në deklaratën e policisë e Wyandotte të Michiganit në SHBA.
