Në mes të detit Mesdhe ndodhen të bllokuar dhjetëra klandestinë, të cilët kërkojnë ndihmë pasi kanë frikë se mund të mbyten.
Janë 47 emigrantë të cilët janë pikasur nga autoritetet italiane. Klandestinët kanë bërë thirrje për ndihmë në rrjetet sociale dhe shprehen se po luftojnë me jetën.
“Ndihmoni, ju lutemi, po fundosemi .Unë jam shtatzënë dhe nuk jam mirë. Vajza ime 7 vjeç është shumë e sëmurë. Ne nuk kemi ushqim dhe ujë, nuk kemi asgjë. Ata thanë që do të vijnë por askush nuk erdhi. Njerëzit po vdesin”, është shprehur një grua.
“Ne po ndjekim udhëzimet tuaja, por nuk po shohim ndonjë anije për shpëtim. Jemi në gjendje kritike, nuk mund të presim më, ju lutemi na ndihmoni”, tha një tjetër emigrant, që ndodhet me gomonen që mban gjithsej 47 persona.
Gomonia nuk është gjetur ende nga autoritetet, pasi mësohet të ketë devijuar rrugën.
